<?xml version="1.0" encoding="UTF-8"?><song><title>Ry Ziona, mihainoa FFPM47</title>
<lyrics>[V1]
 Ry Ziona, mihainoa !
 Injay feo mafy mampifoha
 Ny ampakarina izao :
 Mbola alim-be ihany,
 Fa ny fotoana no lany,
 Ka avy ny malalanao;
 Antsoiny hianao
 Alao ny jironao
 Ka velomy ;
 Dia miaingà hivoaka,
 Hitsena ny mpampakatra !

[V2]
 He, Ziona ravoravo,
 Fa reny izao ny antso avo
 Ka velona ny hobiny :
 Indro, avy Kristy Tompo,
 Hanafaka anay mpanompo,
 Halainy hampakariny.
 He, faly re ny fo !
 Avia Tompo ô !
 O, hosana !
 Mihaingo izao hitsena Anao,
 Ry Kristy, ny malalanao !

[V3]
 Hira, hoby, fiderana
 Asandratray mba hitsenana
 Anao, Jesosy Tompo ô !
 Tsy mba misy mitomany,
 Fa mirana izay mankany
 Am-pampakaram-badinao ;
 Mahafinaritra ny hiran-danitra
 Haleloia !
 Ilaozanay ny trano lay,
 Miakatra ny dianay.</lyrics>
<hymn_number>47</hymn_number>
<author>Ph. Nicolai</author>
</song>